ဒိုင်ယာလော့ဒ်တစ်ခွန်းကြောင့် ထိုင်းလူမျိုးပရိသတ်တွေရဲ့ ဝေဖန်မှုကိုရရှိနေတဲ့ ‘Big Mouth’

ဒိုင်ယာလော့ဒ်တစ်ခွန်းကြောင့် ထိုင်းလူမျိုးပရိသတ်တွေရဲ့ ဝေဖန်မှုကိုရရှိနေတဲ့ ‘Big Mouth’

လက်ရှိထုတ်လွှင့်ပြသနေတဲ့ ကိုရီးယားဒရမ်မာဇာတ်လမ်းတွဲတွေထဲကမှ မင်းသား Lee Jong Suk နဲ့ မင်းသမီး Im Yoona တို့ ပါဝင်ထားကြတဲ့ ‘Big Mouth’ ဇာတ်လမ်းတွဲဟာဆိုရင် တောင်ကိုရီးယားနိုင်ငံပြည်တွင်းမှာသာမက ပြည်ပနိုင်ငံတွေမှာပါ အောင်မြင်လူကြိုက်များနေတဲ့ ဇာတ်လမ်းတွဲတစ်ခု ဖြစ်ပါတယ်။

ဒါပေမယ့်လည်း ဇာတ်ကားထဲမှာပါဝင်တဲ့ဒိုင်ယာလော့ဒ်တစ်ခွန်းကြောင့် ဒီဇာတ်လမ်းတွဲဟာ လတ်တလောရက်ပိုင်းမှာတော့ ထိုင်းလူမျိုးပရိသတ်တွေရဲ့ ဝေဖန်အပြစ်တင်မှုကိုရရှိနေတာတွ့ရပါတယ်။

ယင်းဒိုင်ယာလော့ဒ်ကတော့ အဓိကဇာတ်ကောင်ဖြစ်သူ ပတ်ချန်းဟိုက ထောင်ထဲမှာ စိတ္တဇလူသတ်သမားကို “မင်းကို မွေးပြီးတော့ မင်းရဲ့ အမေက ရေညှိစွပ်ပြုတ်စားခဲ့သေးလား … မင်းလို ဆိုက်ကိုပေါ့သ်ကောင်ကို မွေးပြီးတော့ သူ ဘာတွေများစားခဲ့လဲဆိုတာ ငါ သိချင်လိုက်တာ … တုန်ယမ်းစွပ်ပြုတ်စားခဲ့တာလား ဒါမှမဟုတ် ဆွန်းဂျီစွပ်ပြုတ်လား” လို့ဆိုကာ မေးလိုက်တဲ့မေးခွန်းပဲဖြစ်ပါတယ်။

ကိုရီးယားအမျိုးသမီးတွေဟာဆိုရင် မီးဖွားပြီးနောက်မှာ ရေညှိစွပ်ပြုတ်စားလေ့ရှိတဲ့ ထုံးစံရှိကြပါတယ်။ ဒါကြောင့်လည်း ပတ်ချန်းဟိုက စိတ္တဇလူသတ်သမားကို စိတ်ဆွတဲ့သဘောမျိုးဖြစ်အောင် ဒီလိုမေးခွန်းမျိုးကို မေးလိုက်တာဆိုပေမယ့် မေးခွန်းထဲမှာပါတဲ့ တုန်ယမ်းစွပ်ပြုတ်ဆိုတာကတော့ ထိုင်းအစားအစာတစ်မျိုးဖြစ်ပါတယ်။

ဒီအခါမှာတော့ စိတ္တဇလူသတ်သမားမွေးဖွားလာတာနဲ့ပတ်သက်လို့ ပြောထားတဲ့စကားအသုံးအနှုန်းပိုင်းမှာ ထိုင်းအစားအစာကို အခုလိုထည့်သွင်းထားတာဟာ လူမျိုးရေးခွဲခြားတဲ့အသုံးအနှုန်းဖြစ်ကြောင်းနဲ့ ထိုင်းရိုးရာယဉ်ကျေးမှုကို ထိပါးစော်ကားရာလည်းရောက်ကြောင်းဆိုကာ ထိုင်းလူမျိုးပရိသတ်တွေက ဝေဖန်ထောက်ပြထားကြပြီး ထုတ်လုပ်ရေးတာဝန်ရှိသူတွေအနေနဲ့လည်း ဒီဖြစ်စဉ်အပေါ်မှာ တာဝန်ယူရှင်းလင်းပေးဖို့အတွက် တောင်းဆိုထားကြပါတယ်။

ဒီအကြောင်းအရာနဲ့ပတ်သက်ပြီး ကိုရီးယားလူမျိုးပရိသတ်တွေကလည်း သူတို့အနေနဲ့ ထိုင်းလူမျိုးပရိသတ်တွေရဲ့ ခံစားချက်ကို စာနာနားလည်ကြောင်းဆိုကာ ပြောထားကြပေမယ့် ထုတ်လုပ်ရေးတာဝန်ရှိသူတွေအနေနဲ့ကတော့ ဒီကိစ္စအပေါ်မှာ တာဝန်ယူရှင်းလင်းပေးတာမျိုး မတွေ့ရသေးပါဘူး။

Ref : Koreaboo
Nemo

ဒိုင်ယာလော့ဒ်တစ်ခွန်းကြောင့် ထိုင်းလူမျိုးပရိသတ်တွေရဲ့ ဝေဖန်မှုကိုရရှိနေတဲ့ ‘Big Mouth’

လက်ရှိထုတ်လွှင့်ပြသနေတဲ့ ကိုရီးယားဒရမ်မာဇာတ်လမ်းတွဲတွေထဲကမှ မင်းသား Lee Jong Suk နဲ့ မင်းသမီး Im Yoona တို့ ပါဝင်ထားကြတဲ့ ‘Big Mouth’ ဇာတ်လမ်းတွဲဟာဆိုရင် တောင်ကိုရီးယားနိုင်ငံပြည်တွင်းမှာသာမက ပြည်ပနိုင်ငံတွေမှာပါ အောင်မြင်လူကြိုက်များနေတဲ့ ဇာတ်လမ်းတွဲတစ်ခု ဖြစ်ပါတယ်။

ဒါပေမယ့်လည်း ဇာတ်ကားထဲမှာပါဝင်တဲ့ဒိုင်ယာလော့ဒ်တစ်ခွန်းကြောင့် ဒီဇာတ်လမ်းတွဲဟာ လတ်တလောရက်ပိုင်းမှာတော့ ထိုင်းလူမျိုးပရိသတ်တွေရဲ့ ဝေဖန်အပြစ်တင်မှုကိုရရှိနေတာတွ့ရပါတယ်။

ယင်းဒိုင်ယာလော့ဒ်ကတော့ အဓိကဇာတ်ကောင်ဖြစ်သူ ပတ်ချန်းဟိုက ထောင်ထဲမှာ စိတ္တဇလူသတ်သမားကို “မင်းကို မွေးပြီးတော့ မင်းရဲ့ အမေက ရေညှိစွပ်ပြုတ်စားခဲ့သေးလား … မင်းလို ဆိုက်ကိုပေါ့သ်ကောင်ကို မွေးပြီးတော့ သူ ဘာတွေများစားခဲ့လဲဆိုတာ ငါ သိချင်လိုက်တာ … တုန်ယမ်းစွပ်ပြုတ်စားခဲ့တာလား ဒါမှမဟုတ် ဆွန်းဂျီစွပ်ပြုတ်လား” လို့ဆိုကာ မေးလိုက်တဲ့မေးခွန်းပဲဖြစ်ပါတယ်။

ကိုရီးယားအမျိုးသမီးတွေဟာဆိုရင် မီးဖွားပြီးနောက်မှာ ရေညှိစွပ်ပြုတ်စားလေ့ရှိတဲ့ ထုံးစံရှိကြပါတယ်။ ဒါကြောင့်လည်း ပတ်ချန်းဟိုက စိတ္တဇလူသတ်သမားကို စိတ်ဆွတဲ့သဘောမျိုးဖြစ်အောင် ဒီလိုမေးခွန်းမျိုးကို မေးလိုက်တာဆိုပေမယ့် မေးခွန်းထဲမှာပါတဲ့ တုန်ယမ်းစွပ်ပြုတ်ဆိုတာကတော့ ထိုင်းအစားအစာတစ်မျိုးဖြစ်ပါတယ်။

ဒီအခါမှာတော့ စိတ္တဇလူသတ်သမားမွေးဖွားလာတာနဲ့ပတ်သက်လို့ ပြောထားတဲ့စကားအသုံးအနှုန်းပိုင်းမှာ ထိုင်းအစားအစာကို အခုလိုထည့်သွင်းထားတာဟာ လူမျိုးရေးခွဲခြားတဲ့အသုံးအနှုန်းဖြစ်ကြောင်းနဲ့ ထိုင်းရိုးရာယဉ်ကျေးမှုကို ထိပါးစော်ကားရာလည်းရောက်ကြောင်းဆိုကာ ထိုင်းလူမျိုးပရိသတ်တွေက ဝေဖန်ထောက်ပြထားကြပြီး ထုတ်လုပ်ရေးတာဝန်ရှိသူတွေအနေနဲ့လည်း ဒီဖြစ်စဉ်အပေါ်မှာ တာဝန်ယူရှင်းလင်းပေးဖို့အတွက် တောင်းဆိုထားကြပါတယ်။

ဒီအကြောင်းအရာနဲ့ပတ်သက်ပြီး ကိုရီးယားလူမျိုးပရိသတ်တွေကလည်း သူတို့အနေနဲ့ ထိုင်းလူမျိုးပရိသတ်တွေရဲ့ ခံစားချက်ကို စာနာနားလည်ကြောင်းဆိုကာ ပြောထားကြပေမယ့် ထုတ်လုပ်ရေးတာဝန်ရှိသူတွေအနေနဲ့ကတော့ ဒီကိစ္စအပေါ်မှာ တာဝန်ယူရှင်းလင်းပေးတာမျိုး မတွေ့ရသေးပါဘူး။

Ref : Koreaboo
Nemo

Leave a Reply

Your email address will not be published. Required fields are marked *