ဖခင်ဖြစ်သူကလွဲပြီး ကိုရီးယားစကားပြောပေးမယ့်သူမရှိတာကြောင့် ကိုရီးယားစကားလုံးတွေအများကြီးကို မေ့နေပြီဖြစ်တဲ့ Choo Sarang

ဖခင်ဖြစ်သူကလွဲပြီး ကိုရီးယားစကားပြောပေးမယ့်သူ မရှိတာကြောင့် ကိုရီးယားစကားလုံးတွေအများကြီးကို မေ့နေပြီဖြစ်တဲ့ Choo Sarang

ကိုရီးယားနဲ့ ဂျပန်‌သွေးနှောထားတဲ့ Choo Sarang ဆိုတဲ့ ကလေးမလေးကိုတော့ “The Return Of Superman” အစီအစဉ်ရဲ့ ပရိသတ်တွေအနေနဲ့ ကောင်းကောင်းကြီးရင်းနှီးကြမယ်လို့ ထင်ပါတယ်။

လူမှန်းသိတက်စအရွယ် ငယ်စဉ်ကတည်းက ကိုရီးယားနဲ့ ဂျပန်ဘာသာစကားတို့ကို နားလည်တဲ့အပြင် ပြောဆိုမှုတွေလည်းရှိခဲ့တဲ့ သူမဟာ လက်ရှိအချိန်မှာတော့ ကိုရီးယားစကားလုံးတွေအတော်များများရဲ့ အဓိပ္ပာယ်ကို မေ့နေပြီဖြစ်တယ်လို့ ဖခင်ဖြစ်သူ Choo Sung Hoon ရဲ့ ပြောပြချက်အရ သိရပါတယ်။

Choo Sung Hoon ဟာ ဒီအကြောင်းကိုတော့ ‘Dad, Follow Me Now’ အစီအစဉ်ရဲ့ သတင်းစာမိတ်ဆက်ပွဲ အင်တာဗျူးမှာ အခုလိုပဲဖွင့်ဟပြောပြခဲ့ဖူးတာဖြစ်ပါတယ်။

ပထမဦးစွာ သူက သမီးဖြစ်သူ Sarang အနေနဲ့ “The Return Of Superman” မှာပါဝင်ခဲ့ပြီးနောက် နှစ်အတော်ကြာမှ အခုလိုမျိုးတီဗွီအစီအစဉ်မှာ ပါဝင်ရတာဖြစ်တဲ့အတွက် စိတ်ပူမိကြောင်း၊ Sarang ဟာလည်း လက်ရှိမှာ ကျောင်းတက်နေတာဖြစ်တဲ့အတွက် ရိုက်ကူးရေးလုပ်ရတဲ့အခါမှာ ဂျပန်နဲ့ ကိုရီးယားကို အခေါက်ခေါက်အခါခါ အသွားအပြန်လုပ်ခဲ့ရကြောင်းဆိုကာ ပြောခဲ့တာဖြစ်ပါတယ်။

အဲဒီနောက်မှာတော့ Choo Sung Hoon က “Sarang က အခုဆိုရင် ကိုရီးယားစကားလုံးတွေ အတော်များများကို မေ့နေပြီဗျ … ကျွန်တော်ကတော့ အားရင်အားသလို ကိုရီးယားလိုပြောတယ်ဆိုပေမယ့် သူ့ကျောင်းမှာက‌ကျတော့ ကိုရီးယားစကားပြောတဲ့ သူငယ်ချင်းတွေမရှိဘူးလေ … ဒါကြောင့်လည်း သူ မေ့သွားတာပါ … အခုတော့ ဒီအစီအစဉ်ကနေတစ်ဆင့် သူ့အနေနဲ့ ကိုရီးယားစကားနဲ့ ကိုရီးယားယဉ်ကျေးမှုကို နောက်တစ်ကြိမ်လေ့လာခွင့်ရမှာဆိုတော့ ကျွန်တော် ကျေနပ်ပျော်ရွှင်မိပါတယ်” လို့ဆိုကာ သမီးဖြစ်သူရဲ့ အကြောင်းကို ဖွင့်ဟပြောပြသွားခဲ့ပါတယ်။

Ref : SBS Star
Nemo

ဖခင်ဖြစ်သူကလွဲပြီး ကိုရီးယားစကားပြောပေးမယ့်သူ မရှိတာကြောင့် ကိုရီးယားစကားလုံးတွေအများကြီးကို မေ့နေပြီဖြစ်တဲ့ Choo Sarang

ကိုရီးယားနဲ့ ဂျပန်‌သွေးနှောထားတဲ့ Choo Sarang ဆိုတဲ့ ကလေးမလေးကိုတော့ “The Return Of Superman” အစီအစဉ်ရဲ့ ပရိသတ်တွေအနေနဲ့ ကောင်းကောင်းကြီးရင်းနှီးကြမယ်လို့ ထင်ပါတယ်။

လူမှန်းသိတက်စအရွယ် ငယ်စဉ်ကတည်းက ကိုရီးယားနဲ့ ဂျပန်ဘာသာစကားတို့ကို နားလည်တဲ့အပြင် ပြောဆိုမှုတွေလည်းရှိခဲ့တဲ့ သူမဟာ လက်ရှိအချိန်မှာတော့ ကိုရီးယားစကားလုံးတွေအတော်များများရဲ့ အဓိပ္ပာယ်ကို မေ့နေပြီဖြစ်တယ်လို့ ဖခင်ဖြစ်သူ Choo Sung Hoon ရဲ့ ပြောပြချက်အရ သိရပါတယ်။

Choo Sung Hoon ဟာ ဒီအကြောင်းကိုတော့ ‘Dad, Follow Me Now’ အစီအစဉ်ရဲ့ သတင်းစာမိတ်ဆက်ပွဲ အင်တာဗျူးမှာ အခုလိုပဲဖွင့်ဟပြောပြခဲ့ဖူးတာဖြစ်ပါတယ်။

ပထမဦးစွာ သူက သမီးဖြစ်သူ Sarang အနေနဲ့ “The Return Of Superman” မှာပါဝင်ခဲ့ပြီးနောက် နှစ်အတော်ကြာမှ အခုလိုမျိုးတီဗွီအစီအစဉ်မှာ ပါဝင်ရတာဖြစ်တဲ့အတွက် စိတ်ပူမိကြောင်း၊ Sarang ဟာလည်း လက်ရှိမှာ ကျောင်းတက်နေတာဖြစ်တဲ့အတွက် ရိုက်ကူးရေးလုပ်ရတဲ့အခါမှာ ဂျပန်နဲ့ ကိုရီးယားကို အခေါက်ခေါက်အခါခါ အသွားအပြန်လုပ်ခဲ့ရကြောင်းဆိုကာ ပြောခဲ့တာဖြစ်ပါတယ်။

အဲဒီနောက်မှာတော့ Choo Sung Hoon က “Sarang က အခုဆိုရင် ကိုရီးယားစကားလုံးတွေ အတော်များများကို မေ့နေပြီဗျ … ကျွန်တော်ကတော့ အားရင်အားသလို ကိုရီးယားလိုပြောတယ်ဆိုပေမယ့် သူ့ကျောင်းမှာက‌ကျတော့ ကိုရီးယားစကားပြောတဲ့ သူငယ်ချင်းတွေမရှိဘူးလေ … ဒါကြောင့်လည်း သူ မေ့သွားတာပါ … အခုတော့ ဒီအစီအစဉ်ကနေတစ်ဆင့် သူ့အနေနဲ့ ကိုရီးယားစကားနဲ့ ကိုရီးယားယဉ်ကျေးမှုကို နောက်တစ်ကြိမ်လေ့လာခွင့်ရမှာဆိုတော့ ကျွန်တော် ကျေနပ်ပျော်ရွှင်မိပါတယ်” လို့ဆိုကာ သမီးဖြစ်သူရဲ့ အကြောင်းကို ဖွင့်ဟပြောပြသွားခဲ့ပါတယ်။

Ref : SBS Star
Nemo

Leave a Reply

Your email address will not be published. Required fields are marked *

x